Shirika la ndege la taifa la Uganda (Uganda Airlines) linatarajiwa kuanzisha safari za moja kwa moja za kila siku kati ya Entebbe, Uganda na Kigali, Rwanda kuanzia Novemba 18, 2026, hatua itakayoongeza jumla ya safari saba kwa wiki kati ya miji hiyo miwili ya Afrika Mashariki.

Njia hiyo mpya itahudumiwa na ndege aina ya Bombardier CRJ900, ikiwa ni mkakati wa shirika hilo kuimarisha mtandao wake wa safari za kikanda na kuwarahisishia abiria usafiri wa moja kwa moja kati ya vituo hivyo viwili.

FAHAMU NGUVU YA ANGA YA UGANDA AIRLINES (2026)! 🇺🇬

Shirika la ndege la taifa la Uganda linaendelea kupanua mbawa zake kwa kasi kubwa:
🔹 Ndege za Sasa: Linamiliki ndege 6 (Airbus A330-800neo 2 na Bombardier CRJ-900 4) pamoja na ndege ya kukodi kusaidia safari.
🔹 Vituo vya Safari: Linatua katika miji zaidi ya 18 ikiwemo Dar es Salaam, Zanzibar, Kilimanjaro, Nairobi, Johannesburg, Lagos, Dubai, Mumbai, na London! 🌍
🔹 Uwekezaji Mpya: Serikali imewekeza Dola Milioni 985 (UGX Trilioni 3.7) kununua ndege 10 mpya za kisasa kutoka Boeing (zikiwemo Dreamliner 4, 737 MAX 4, na za mizigo 2) ili kuifanya Entebbe kuwa kitovu kikuu cha usafiri.

Je, unadhani ushindani wa anga Afrika Mashariki unazidi kunoga?